°
, March 19, 2024 in
آخر الأخبار
تفاصيل

يامين شايف هالحلا … عَلَم عبداللطيف *

يامين شايف هالحلا
تايرتّلو متل الصلا

ويرشّ رشّة للولف
يمكن عجز عنها الوصف
وياعين شوفي هالنطف
نطفات من عطرا إلا.

يامين شايف عالعبق
لما حمل قطفة حبق
يمكن غفي ليلة بلا
مايشوف هالعتم انجلا
بلكي يجي حلمو على
قدّ الغفا.. وقدّ الأرق.

ياريت كنّو ع السكت
هالحلم يوصل ع الوقت
ويجيب ب عبّو خبر
بلكي على بالو خطر
همسات بتشرقط شرر
وقول الليل طوّل..
تا فِقِتْ.

* أديب سوري ، من طرطوس .